فراخ محشية 🍗 طعم وشكل وطعم وريحة جنان ♥️
طريقة الفراخ المحشيه 🐔
معانا فرخه وزنها حوالي كيلو ونص
هنبدا نجهز التتبيله نص كوب ماء ربع كوب رايب وممكن نستبدلهم ب ٤ معالق زبادي
٢ بصله مفرومين معلقه كبيره ملح وفلفل وبابريكا ومعلقه صغيره توم بودره معلقه صغيره صويا صوص عصير ليمونتين كبار و٣ معالق كبار زيت ونقلبهم كلهم مع بعض ونتبل بيهم الفراخ كويس جداا من جوه وبره وتحت الجلد ونغطيها وندخلها الثلاجه ليله كامله وأقل حاجه ٦ ساعات كل ماتقعد ف تتبيله بتدي نتيجه احلي
وللرز حله ع النار معلقه سمنه وزيت وننزل عليهم ببصله صغيره مفرومه
ونشوحها لحد ماتتدبل معانا وننزل عليها ب معلقه صغيره ملح وفلفل وقرفه ونقلبهم لحد ماريخه البهارات تطلع معانا ونززل
عليهم ب ٣ كوبيات من الرز البسمتي مغسول ومنقوع
ونقلبهم كلهم مع بعض وننزل عليهم ب ٤كوبيات ونص من ماء، ونسيبه يشرب ميته من غير مانغطيه وبعد مايتشرب ميته هنبدا نشيل جزء من الرز اللي هنحشي بيه الفرا خ
وباقي الرز نكمل سواه ع نار هاديه
ونبدأ نحشي الفرخه بالرز حلو جداا لان الرز هنا نص سوي ف مش هينفش معانا ولا حاجه وبعد كده هنقفلها من تحت بخله سنان ونربط الرجلين عشان لما تستوي يبقي شكلها حلو وماتتهريش معانا وبعد كده هنجهز الصنيه اللي هنسوي فيها
ونفرش فيها شرائح البصل ونحط عليها الفرخه بتاعتنا
وناخد من التتبيله اللي كنا متقبلين بيها الفرخه وبالفرشه ندهن بيها الفرخه بتاعتنا ونرش عليها شويه بابريكا ونجيب ورق الذبده وندهنه بالزيت ونغطي بيها الفرخه وعليها ورق فويل
وندخلها الفرن ع ٢٤٠ درجه ساعه ونص
وبالف هنا ع قلبكم ❤️❤️
هدية الجروب بالتعاون مع كل من شركة #نون #Noon وموقع #اخصم #ikhsem
كوبون خصم يصل بقيمة 15% على اي مشتريات من موقع نون ❤️❤️الكوبون 👈🏻👈🏻YN55
اترك تعليقاً