البقلاوه
الطريقه
اول حاجه هتعملها السيرب اللي هنسقي بيه البقلاوه
كوباتين من السكر وعليهم كوب ماء ونص عصير ليمونه ونسيبهم ع النار لحد مايبقي قوامهم زي العسل كده ونطفي عليها ونسيبها تبرد
ونبدأ نجهز المكسرات هنجيب الكبه بتاعتنا وننزل فيها بالبندق والكاجو ونطحنهم طحن ناعم وممكن اي نوع مكسرات انتو تحبوه وبعد كده هننزل بيهم ف بوله وعليهم جوز الهند وسكر البودره والقرفه ونقلبهم كلهم مع بعض ويلا نجهز الجلاش
هنجيب ورقه واحده من الجلاش ونبدأ نفردها وندهنها بسمنه ع زيت وبعد كده نقسمها نصين ع بعض وندهنها تاني برضو بسمنه ع زيت وهنجيب استيك الشيش طاووق وهناخد اول الورقه ونلفها ع الاستيك لفتين وبعد كده نوزع طبقه خفيه من المكسرات ونبدأ نلف الرول لآخر الورقه وبعد كده نضغط عليها بأيدينا من الجنبين عشان تبقي مكرمشه ونسحبها براحه من الرول ونرصها ف صنيه ونكمل باقي الجلاش بنفس الطريقه لحد مانخلص كميه كلها وبعد مانرصهم كلهم ف الصنيه هنمسح عليهم بباقي السمنه ع زيت بالفرشه عشان تبقي مقرمشه معانا ومورقه لحد اخر واحده ونقسم كل صوبع نصين وندخلها الفرن ع ١٨٠ درجه نص ساعه
وأول ماتخرج من الفرن وهي سخنه ويكون سيرب برد تماما هنبدا نشربها من السيرب ع طول
وبالف هنا ع قلبكم ❤️❤️
اترك تعليقاً